Friday, July 12, 2013

अचम्म अनौठो समय यो वर्तमान छ !

कसैको भाग्यमा पीडा, कसैको मुस्कान छ !
 अचम्म अनौठो समय यो वर्तमान छ !

सस्तो छ झगडा, ब्यापक छन् बिबादहरू
दुर्लभ किन्तु समस्याको समाधान छ !

जङ्गलमा मान्छे, शहरमा जनावर पसे
बेघर त आजभोलि यहाँ भगवान छ !

बेइमानको देखिन्छ वाह-वाहि जताततै
इमान्दारको भने, यहाँ अपमान छ !

संसार स्वर्ग होला भनी नठान अहिल्यै
शकुनिहरूको राज अझै बिध्यमान छ !

कलमको दिन पनि आउने छ जरूर
नसोच्नु सधैँ खुकुरी नै बलवान छ !

खगेन्द्र गिरि "  कोपिला "
नेपालगंज,बाँके