Sunday, September 29, 2013

नसजिउ देखिसकेँ नाङ्गिएकी तिमी ।

नसजिउ देखिसकेँ नाङ्गिएकी तिमी ।
मञ्चमा अडिग नेपच्यमा बाङ्गिएकी तिमी ।

न ओत, न छाँया, न सुगन्ध छ कुनै
क्याक्टसझैँ क्या सारो झाङ्गिएकी तिमी।

सौन्दर्यको बजारमा बिज्ञापित हुन
मूल चोकमा तूलजस्तै टाङ्गिएकी तिमी।

तिम्रो पछ्यौरीको अब के नै मूल्य रह्यो ?
मान्छेपिच्छे सबैसँग उदाङ्गिएकी तिमी।

नक्कली ताप अब देखाइ के गर्छयौ ?
बुझिसक्यो 'नादिर'ले शीताङ्गिएकी तिमी ।।

भोजराज शर्मा 'नादिर'
धम्बोझि, १,नेपालगञ्ज


Tuesday, September 3, 2013

एक दिन तिम्लाई दिवानी बनाउँछु !

यो मुटु जलाएर खरानी बनाउँछु !
पापनी मायाको कहानीँ बनाउँछु !

छातीमा टेकेर जाने ए निष्ठुरी
एक दिन तिम्लाइ दिवानी बनाउँछु !!

ज्युँदै जलाइ मलाइ नमार यसरी
जन्म जन्म आफ्नो जिन्दगानी बनाउँछु !!!

युद्धको शङ्ख त बजायौ तिमिले
लडेर प्रेमको निशानी बनाउँछु !!!!

यो मुटु जलाएर खरानी बनाउँछु !
पापनी मायाको कहानीँ बनाउँछु !

छातीमा टेकेर जाने ए निष्ठुरी
एक दिन तिम्लाइ दिवानी बनाउँछु !!

अजय पारष
जनकपुरनगरपालीका–४
हाल– अछाम



मुटू झिकी पातमा राख्छु कस्को नभन्नु !

मुटू झिकी पातमा राख्छु कस्को नभन्नु !
तिम्रै चिनो हातमा राख्छु कस्को नभन्नु !


बिचलित मनको पिडा खोल्या तिम्लाइ
चिठ्ठि पत्र खातमा राख्छु कस्को नभन्नु !!

चोखो प्रेम भुल्दै जब टाढा जान्छौ तिमी
गुनासो म बातमा राख्छु कस्को नभन्नु !
!!


तिम्रै निम्ति पागल जस्तै लड्दै हिड्ने म
रूने आँखा रातमा राख्छु कस्को नभन्नु !!!!

हुँदा मुल्य बिहिन सारा तिम्रै खातिर 
यो मुटू सौगातमा राख्छु कस्को नभन्नु !!!!!

मुटू झिकी पातमा राख्छु कस्को नभन्नु !
तिम्रै चिनो हातमा राख्छु कस्को नभन्नु !

सौगात मात्र

Wednesday, August 28, 2013

धपक्क बलेको रूपरङ्ग गजब छ ।

धपक्क बलेको रूपरङ्ग गजब छ ।
चाहना र रहरको उमङ्ग गजब छ ।

नजरभित्र केही कुरा लुकाएको जस्तो
धरोधर्म त्यो हेराइको ढङ्ग गजब छ ।।

प्रकृतिलाइ समेत सुशोभित पार्ने
सुन्दरता हेरेर दुनियाँ दङ्ग, गजब छ ।।।

प्रशंसा र बखान मात्र गरेको देखेँ
जताततै ितिम्रो चर्चा प्रसङ्ग, गजब छ ।।।।

हेर्दा–हेर्दा आँखाबाट रसाएछन् 'आँसु'
आकर्षणको जादु तिमिसँग गजब छ ।।।।।

धपक्क बलेको रूपरङ्ग गजब छ ।
चाहना र रहरको उमङ्ग गजब छ ।

सुरेन्द्र न्यौपाने 'आँसु'
गुटु,मिलनचोक,सुर्खेत

Sunday, August 25, 2013

अब बुध्द जन्मेको, "निशानी" बेचिन्छ कुनै दिन यँहा ।

टनकपुर त बेचियो, "कालापानी" बेचिन्छ कुनै दिन यँहा ।
बम्बैमा सारा नेपाली नारीको "जवानी" बेचिन्छ कुनै दिन यँहा ।

चारै तिर बाट सिमानाहरू,लुटेको लुटै छन् लुटुराहरू
यस्तै भए सगरमाथा हाम्रो "चिनारी" बेचिन्छ कुनै दिन यँहा ।।

जन्मेका होइनन् बुध्द नेपालमा भनि, दावा गर्दैछन भरौटेहरू कोहि 
यस्तै रहे अब बुध्द जन्मेको, "निशानी" बेचिन्छ कुनै दिन यँहा ।

समय फेरियो नबसौँ चुप, जागौँ अब सारा जन्ता बिरूद्दमा
नत्र नेपाल र नेपाली जलाएर "खरानी" बेचिन्छ कुनै दिन यँहा ।


राम प्रसाद पाण्डेय
गुल्मी        

लौ जा खत्तम ।

Dipak Acharya 'Jalan'


सपना टुटेपछि तातो न छारो लौ जा खत्तम ।
मलाइ त यो माया ले मारो लौ जा खत्तम ।

मोहनी रुप रेसमी कपाल, अनि त्यो मुस्कान
जब हेरेँ, ठहरै बिचल्लि पारो लौ जा खत्तम ।।

पैसा फल्ने रूख हुन्छ भन्छन, यो बिदेशमा
रैछ टिप्न साह्रै पो गाह्रो लौ जा खत्तम ।।।

जति नै कमाय पनि यो पैसा भन्नि चिज
साथि किन हुँदैन फारो लौ जा खत्तम ।।।।

समय नियती र यो दैबको खेला ले
कहाँ थिँय हेर कहाँ पछारो लौ जा खत्तम ।।।।।

दिपक आचार्य "जलन"
शिबपुर–५, बकुवा (बर्दिया)
   हाल–कुवेत         

Friday, August 23, 2013

कसरि पो बाँचिएछ ?

कति मोड आए होलान्? कति बाटो काटिएछ ?
फर्की हेर्न पाए हुन्थ्यो, कसरि पो बाँचिएछ ?

सबै इच्छा अधूरा छन् ,छैनन् केहि पुरा पुरा
नसक्ने र नजानेका काम मात्रै आँटिएछ ।।

कहिले आँसु लुकाएर, कहिले मुटु दुःखाएर
खुसी हुने बहानामा, आफैँलाइ ढाँटिएछ ।।।

बितेछन् ती जिन्दगीका अनमोल पलहरू
अनुभूति मात्र केवल एकमुठी साँचिएछ ।।।।

न बाटोको ठेगान भयो, न गन्तब्य टुङ्गो लाग्यो
यात्रा त्यसै थालिएछ, पाइला त्यसै चालिएछ ।।।।।

रूपा कुसुम
नेपालगंज, बाँके

तिमि महङ्गियौ म त सस्तै छु सायद ।

तिमी महङ्गियौ म त सस्तै छु सायद ।
तिमी बद्लियौ म त यस्तै छु सायद ।

कदम लड्खडाय, सहारा भएन तिम्रो 
तिमी चुलियौ, म त खस्तै छु सायद ।।

कतै ितिम्रो नजरको हेराइमा बदलिँय
जस्तो छोड्यौ म त त्यस्तै छु सायद ।।।

मोद ढुङ्गा भए, फूल काँडा तर
सिमली भुवा, म त उस्तै छु सायद ।।।।

सोधिनौ कहिल्यै, 'आर्शि' के छ भनि 
जीवन सैय्यामा, लास जस्तै छु सायद ।।।।।

रामचन्द्र 'आर्शि'
नेपालगंज,बाँके

के भो किन भो ?

के भो, किन भो, नसोध यो दुःखी परानीलाइ
आगो कसरि निभ्यो के थाहा खरानीलाइ ?

शीर दुःख्यो ,शरीर दुःख्यो , बेस्सरी दुःख्यो
पीडा कति  भो, के थाहा िबिस्तर–सिरानीलाइ ?

छटपटी, छटपटी, मात्र छटपटी,
रात कसरी कट्यो, के थाहा बिहानीलाइ ?

प्यास छ, प्यास छ, अनन्त प्यास छ,
प्यासीको प्यासको जलन, के थाहा पानीलाइ ?

प्रेमप्रकाश मल्ल 'महेन्द्र मधुकर'
धम्बोझी -१, नेपालगंज, बाँके

शब्दको प्रहार ।

सक्नेहरू शब्दको प्रहार गर्छन ।
नसक्ने अपशब्दको वार गर्छन ।

मान्छे मान्छे त समान हुनुपर्ने
कोही  भेकीय प्रतिकार गर्छन ।।

जहाँ काटे पनि आफ्नै शरिर दुख्छ
आफैँ प्रति फरक बिचार गर्छन ।।।

तेरो मेरो भनि, क्षेत्र छुट्ट्याएर
नानाभाँती कुरा बेकार गर्छन ।।।।

'सुवास' सोच्छ, समाज समास होस
यहाँ बिग्रह किन सञ्चार गर्छन ।।।।।

बद्रि सुवास

Friday, August 2, 2013

आमा !

आउँदो साल त छानो घरको,गतिलो नै हाल्छु आमा
आँखि झ्याल छन नाङ्गा भित्ता,जसरि नि टाल्छु आमा !

आफ्नै दैलो अन्न-अनाज,यसपालि त भित्रयाउँला
सुर्तै नलेउ सिङ्गो फाँट नै,पसिनै ले गाल्छु आमा !

बिर्स अब खोले-सिस्नो अनि फाँडो,जसो लायैाँ खायैाँ
अमन चयन सधैँभरि,बडो ठाँटले पाल्छु आमा !

पिइ दिउँला बिषै बरू,सहिष्णुता भाँड्ने छैन
जोगाइराखि भाइचारा,बैगुन सकल फाल्छु आमा !

कुरुप त्यो हिजोलाइ,आउ दिउँ दागबत्ति अनिमात्रै
नबिन-सुन्दर संसारको,कोर्न नक्सा थाल्छु आमा !

हरि शरण लामिछाने   "  हार्दिक  "
                                                                नेपालगंज,१,वाटरपार्क,धम्बोझि

Saturday, July 20, 2013

हिसाब बाँकि नै छ ।

जेाड घटाउ सिक्नुहोला, हिसाब बाँकि नै छ ।
साहस जुटाइ राख्नुहोला, टकराब बाँकि नै छ ।
विषम मेाडमा पनि बाटेा गुमाइन र मात्रै
उपहारमा पाइएको, तनाब बाँकि नै छ ।।
अनुहाँर लुकाउँदैमा छदमभेष कहाँ लुक्छ ?
होस गर्नुहोला, खेाल्न नकाब बाँकि नै छ ।।।
महफिदल सजाउनेहरू एक्लै छाडिगय पनि
कमी भए पिउनुहोला, शराब बाँकि नै छ ।।।।
हारजितको फैसला गर्ने मैाका नपाए पनि
बिगतको परिस्थितिसँग, लगाब बाँकि नै छ ।।।।।

निशा भण्डारि          
नारायण नगरपालिका, २ ,दैलेख

यो शहरमा ।

अहो। मान्छे यति धेरै चर्चित, यो शहरमा
आफु भने चर्चाबाट बन्चित, यो शहरमा

सबैका खुसि र उमङ्ग छताछुल्ल जताततै
आफु मात्र खुसि नपाइ दुखित, यो शहरमा

हर्ष, खुसि र उन्मादले मातेका छन् मान्छे
अनन्त पिडाबाट आफु मुर्छित, यो शहरमा

सबै सुरक्षा र निर्भयमा अडिग छन् मान्छेहरू
आफु एकान्तमा सधैँ भयभित, यो शहरमा

सबैलाइ  यो शहरले चाहना पुरा गरायो
तर 'प्रकाश' को मन सदा कुण्ठित, यो शहरमा 

प्रकाश गिरि "निश्चल"
 सूर्यपटुवा, ९ ,बर्दिया   

Friday, July 12, 2013

अचम्म अनौठो समय यो वर्तमान छ !

कसैको भाग्यमा पीडा, कसैको मुस्कान छ !
 अचम्म अनौठो समय यो वर्तमान छ !

सस्तो छ झगडा, ब्यापक छन् बिबादहरू
दुर्लभ किन्तु समस्याको समाधान छ !

जङ्गलमा मान्छे, शहरमा जनावर पसे
बेघर त आजभोलि यहाँ भगवान छ !

बेइमानको देखिन्छ वाह-वाहि जताततै
इमान्दारको भने, यहाँ अपमान छ !

संसार स्वर्ग होला भनी नठान अहिल्यै
शकुनिहरूको राज अझै बिध्यमान छ !

कलमको दिन पनि आउने छ जरूर
नसोच्नु सधैँ खुकुरी नै बलवान छ !

खगेन्द्र गिरि "  कोपिला "
नेपालगंज,बाँके

Thursday, July 11, 2013

पराईको हात छ पक्कै !

हाम्रो गृह भत्काउँनुमा,पराईको हात छ पक्कै !
हाम्रा सन्तान छप्काउनुमा,पराईको हात छ पक्कै !

दिदि बैनी कसो गरी,बेच्थे हाम्रै दाजुभाइले
हाम्रा चेलि टप्काउनुमा,पराईको हात छ पक्कै !

चर्को बोल्दै-बोल्दैनथे,मिठा बोल्थे हाम्रा मित्र
हामीलाइ हप्काउँनुमा,पराईको हात छ पक्कै !

जता हेरयो त्यतैतिर, देशैभरि  आगो बाली
हाम्रा आँसु तप्काउनुमा,पराईको हात छ पक्कै !

नारायण   प्रसाद शर्मा गैरे (सुमित्र)
नेपालगंज,बाँके

Sunday, July 7, 2013

Request


Hi There,
Sometime we feel bore when someone regularly pours posts or Gajals written by other,so at that time we wish to read or see our own creation or Gajals. This is somehow my feeling which may be or may not be matched with you. But let me allow you to request you to sent your Gajals or other Nepali pieces of Literature items which will be posted over here. In other hand we are on the way of this blog so we need your creation along with your precious comments and suggestions. So if you are a Gajal writer then let your creation to be blossom online,for that you should send me your creation. You can send me on my following address. Have your good time. 

Monday, June 17, 2013

रङ्ग बेगर आकृति

रङ्ग बेगर आकृतिमा फुलबुट्टा भर्दैछु म
साउन भेले जिन्दगानि जेन-तेन तर्दैछु म

बन्धु पुगे क्षितिज पारी, चुमे कोइले शिखर
लखतरान कछुवाझैँ बन्द गति सर्दैछु म

रोमियो र मदन-मझनु सँगै नाम जोडदै
एकादेशको किवंदन्ति चरितार्थ गर्दैछु म

मखमलि त्यो फुलसरि आहा ! प्रिति नफुले'सि
बिडम्बना चैतमासको पातसरि झर्दैछु म

आफ्नै श्रम पिउन यहाँ, भाइ-भेटि-भाग्य नभै
फेरि भिन्नै ललाट आज, कोरिमाग्न मर्दैछु म

रङ्ग बेगर आकृतिमा फुलबुट्टा भर्दैछु म
साउन भेले जिन्दगानि जेन-तेन तर्दैछु म


हरि शरण लामिछाने   "  हार्दिक  "
                                                                नेपालगंज,१,वाटरपार्क,धम्बोझि

यौटि खोज्दैछु म !

शिष्ट शुशिल अप्सरा झैँ, हुनि यौटि खोज्दैछु म
सँगै हाँसि अँगालोमा रुनि यौटि खोज्दैछु म !
जात छैन धर्म छैन, कुनै बन्धन छैन यहाँ
कुलघरानि भए पुग्ने, गुनि यौटि खोज्दैछु म !!
लेक-बेशि गाउँ-शहर, जतासुकै हुर्किएकि
चञ्चल मेरो मनलाइ, छुनि यौटि खोज्दैछु म !!!
बागेश्वरि भाकल गरि, सँगै जिवन जिउँला
भन्दैसारा एक्लोपना, धुनि यौटि खोज्दैछु म !!!!
पश्चिमेली टालो बेरि, अङ्ग ढाक्ने चेली होइन
नेपालिकै गुन्यो-चोलि, लाउनि यौटि खोज्दैछु म !!!!!


हरि शरण लामिछाने   "  हार्दिक  "
                                                                नेपालगंज,१,वाटरपार्क,धम्बोझि





Saturday, June 15, 2013

बात के काम !

पराइ सपना थेगि बस्ने निर्दयि ति हात के काम
प्रेम तृस्णा फगत  लाग्ने तिम्रा फजुल बात के काम !

खरानितन होइन यहाँ, चखेबि मन अतृप्त छ
मझेरिमै लत्याइ हिड्ने औपचारिक साथ के काम !!

बिछाउनु उतै बरू बिन्ति यता नजुधाउनु
पराइ कै धित मार्ने नजरको खात के काम !!!

नदेखेकै बेस होला, कथित सुन्दर चाँद सधैँ
अपूर्ण ख्वाब बोकि आउने निष्पट्ट ति रात के काम !!!!

नामसारि गरेहुन्छ पिडा जति यतै सारा
'हादिर्क' मनले नपस्कने, मुस्कानको खात के काम !!!!!


हरि शरण लामिछाने   "  हार्दिक  "
                                                                नेपालगंज,१,वाटरपार्क,धम्बोझि